اقاويل و حكم

 حكاتهالي مرا كبيرة و الكبير ربي ⁦♥️⁩

قالتلي بنيتي ..

الوحدة خايبة ..

و الزوز يتوانسو .. 

و الثلاثة يتنافسو .. ⁦

 قلتلها و بعد ؟!

قالتلي ما تبكي على الدنيا ..

و ماتجري على شهاويها 👌

 قلتلها حيّرتني !

قالتلي تعرف قيمة صلاتك عند مولاها و تعرف بلّي حسن الآخرة الناس الكل تتمناها ⁦❣️⁩

الدّنيا دروس و سعدك يا فاعل الخير .. 

إلي خذالك يا بنيتي خبّالك 

 أنسى الهم ينساك 😊

و إلي يشد في الصحيح عمرو ما يطيح

 الدنيا تدور .. إلي تعدّى أنساه 🤫 و إلي جاي تمناه 🤗..

قالتلي إدعي و أصبر 🤲😌 و غفلة الموت ماتنساها 😟

و إﻟﻲ ﻋﻴﻨﻮ ﻓﻲ ﺍﻟﺤﻮﺕ ﻳﻄﻮّﻝ ﻓﻲ ﺍﻟﺼﻨﺎﺭﺓ 🎣 ﻭﺇﻟﻲ ﻋﻴﻨﻮ ﻓﻲ ﺍﻟﻠﺤﻢ ﻳﺼﻮﺣﺐ ﺍﻟﺠﺰّﺍﺭﺓ 🐏🐄😁

ﻭ ﺍﻟﺮﺍﺟﻞ ﺭﺍﺟﻞ ﻟﻮ ﻛﺎﻥ ﻳﻠﺒﺴﻮﻩ ﺷﻜﺎﺭﺓ 💪 ⁦ ﻭ ﺍﻟﺮﺧﻴﺺ ﺭﺧﻴﺺ ﻭ ﻟﻮ ﻛﺎﻥ ﻳﺮﻛﺒﻮﻩ ﻃﻴّﺎﺭﺓ ⁦✈️⁩

ﺇﻟﻲ ﻓﺎﺗﻚ ﺑﺎﻟﺰﻳﻦ ﻓﻮﺗﻮ ﺑﺎﻟﻨﻈﺎﻓﺔ .. ﻭ ﺇﻟﻲ ﻓﺎﺗﻚ ﺑﺎﻟﻔﻬﺎﻣﺔ ﻓﻮﺗﻮ ﺑﺎﻟﻈﺮﺍﻓﺔ ..

ﺇﻟﻲ ﺣَﺒِﻚْ ﺣِﺒُﻮ ﻣﺎ تفرﻃﺸﻲ ﻓﻴﻪ 🥰 

ﻭ ﺇﻟﻲ ﺑَﺎﻋِﻚْ ﺑﻴﻌﻮ ﻭ ﻣﺎ ﺗﺴﺄﻟﺸﻲ ﻋﻠﻴﻪ ⁦😉

ﻭ ﺇﻟﻲ ﻳَﺮﻳﺪﻙ ﺭﻳﺪو، ﻭ إلي ﻳﺒﻐﻈﻚ ﺯﻳﺪو ..

ﻻﺯﻣﻚ ﺗﻌﺮﻑ ﺇﻧﻮ .. ﺇﻟﻲ ﻣﺎ ﺗﻌﺮﻓﺶ ﺗﺸﻄﺢ 💃تقوﻝ ﺍلأﺭﺽ ﻋﻮجة 😒 .. 

ﻭ ﺇﻟﻲ ﻣﺎ ﻳﺨﻠﻄﺶ ﻋﻠﻰ ﺍﻟﻌﻨﺒﺔ ﻳﻘﻮﻝ ﻗﺎﺭصة ..

ﺇﻟﻲ ﻳﻌﺸﻖ ﻳﻌﺸﻖ ﺍﻟﺴّﻤﺢْ ⁦☺️⁩ ﻭ ﺇﻟﻲ ﻳَﺰﺭﻉ ﻳﺰﺭﻉ ﺍﻟﻘﻤﺢ ..

 ﺍﻟﻘﻤﺢ ﺃﺯﺭﻋﻮ ﻭ ﺍﻟﺮﻳﺢ ﻳﺠﻴﺐ ﻏﺒﺎﺭُﻭ ..

ﻭ ﺍﻟﻘﻠﺐ ﺇﺫﺍ ﻛﺎﻥ ﻣﻬﻤﻮﻡ⁦ 💔

ﺍﻟﻮﺟﻪ ﻳﻌﻄﻴﻚ ﺃﺧﺒﺎﺭﻭ 😔

ﻻ ﺗﻠﺒﺲ ﺣﺎﺟﺔ ﻣﻮﺵ ﻗﺪﻙ .. ﻭ ﻻ على ﺣﺎﺟﺔ ﻓﺎﺭﻏﺔ ﺗﻨﺪﺏ خدّك .. ﻣﺎ ﻳﺤﻜّﻠﻚ كان ﻇﻔﺮﻙ •• ﻭ ﻣﺎ ﻳِﺒﻜﻴﻠﻚ كان ﺷﻔْﺮﻙ 👌

ﻭ ﻣﺎ ﻳﻮﻛﻠﻚ ﻓﻲ ﺍﻟﻌﻴﺶ ﻛﺎﻥ ﺻﺒﺎﻋﻚ ﻭ ﻣﺎ ﻳﻄﻠﻌﻚ ﻣﻦ ﺍﻟﻀﻴﻢ ﻛﺎﻥ ﺫﺭﺍﻋﻚ 💪

قلو يا بابا وقتاش نوليو شرفا ؟!

قلو يا وليدي حتى يموتوا كبار الحومة 

قلو يا بابا زعمة الوقت ينظفنا ؟! 

قلو يا وليدي العار أطول من الأعمار و النخّالة ما تولي دقيق و البصلة 🧅 عمرها ما تولي تفاحة 🍎 و الخوّان عمرو ما يكون صديق 🤝 و قليل الأصل ما تثمر فيه الملاحة  

و بعض الناس ما تنفع فيهم كان القباحة يا كبدي ...

أما أعمل الخير و إنساه و إذا عملت الشرّ تفكرو 

و يا حافر حفرة السو ما تحفر كان قياسك و الزمان يدور 

و ما ترجع كان براسك ⁦..